"ПРИСУРСКИЙ" заповедникри сăвăрсем синоптиксем пекех çанталăк çывăх вăхăтра мĕнле пулассине сисеççĕ-мĕн. Çакскерсем хăйсен шăтăкĕсене хĕл каçма кĕрсе те тарнă иккен. Специалистсем сăнанă тăрăх çанталăк маларах сивĕтме пуçлассине сиссе кăшлакан чĕрчунсен пĕрремĕш ушкăнĕ августăн 8-мĕшĕнче, теприсем вара тепĕр 11 кунтан хăйсен "çурчĕсен" алăкĕсене хĕл каçма хатĕрленсе хупнă. Сăмах май каласан, çывăрнă чухне вĕсен ỹт температури 4-8 градус таранах анса ларать. Çак вăхăтра вĕсем маларах ỹт çумне пуçтарнă çупа çеç пурăнаççĕ.