ÇВЕТТУЙ Троица кунĕнче Чăваш Ишек ялĕнчи кашни кас ĕлĕкхи евĕр чăваш тумĕпе вăййа тухать. Çакă вĕсен ырă йăлана кĕнĕ. Тури касра пурăнакансемшĕн вара кăçалхи уяв пушшех асра юлмалла иртнĕ. Ватти-вĕтти вăйă картине тăнă хыççăн пурте Роман Захарович Волковăн (вăрçăра вилнĕ, Польша çĕрĕнче выртса юлнă, çывăх вăхăтра ун патне çитсе пуç таясшăн) тĕп килĕ умне пуçтарăннă. Кунта хисеплĕ ветеранăн Карелинчен тата Печора хулинчен, Великий Устюгран килнĕ мăнукĕсемпе кĕçĕн мăнукĕсем тĕл пулу йĕркеленĕ, çемье концерчĕпе савăнтарнă. Тăванĕсем инçе çултан хăйсен несĕлĕсен пурнăçĕпе, ĕçĕ-хĕлĕпе çыхăннă сăн ỹкерчĕксен баннерне те хатĕрлесе килнĕ.