НУМАЙ пулмасть çеç Патăрьелĕнчи пĕрремĕш вăтам шкулти кадетсен "Патриот" команди республикăри смотр-конкурсран çĕнтерỹпе таврăнчĕ. Коллектившăн каллех тепĕр савăнăç. Хальхинче чикĕхуралçисен кадет ушкăнĕ Сĕнтĕрвăрринче "Çамрăксем - çул-йĕр хăрушсăрлăхĕшĕн" флешмоб-конкурсĕнчен призер (кружок ертỹçи С. Чапрасов, хореографĕ Т. Толстова, класс ертỹçи В. Аппакова) пулса таврăннă. Асăннă шкулти çамрăк пограничниксем районти мероприятисене те хастар хутшăнаççĕ, хăйсен аслă наставникĕсемпе час-часах тĕл пулу йĕркелеççĕ.