ÇАК кунсенче Çĕмĕрлери ачасен пултарулăх центрĕнче кадетсен тата çарпа патриотла йĕркелỹсен республикăри смотр-конкурсĕ иртнĕ. Ăна Тăван çĕршывăн Аслă вăрçинче Çĕнтерỹ тунăранпа 77 çул çитнине тата Мухтавлă ентешсен çулталăкне халалланă. Ытти çулсенчи пекех фестиваль çỹллĕ шайра иртнĕ, унта Чăваш Енрен 500 ытла çамрăк патриот хутшăннă. Юхмапа Пăла тăрăхĕн чысне Патăрьелĕнчи пĕрремĕш вăтам шкулти аслă классен çарпа патриотла клубăн "Патриот" команди (хатĕрлекенĕсем Ю. Васюткин, Т. Ильина) хỹтĕленĕ, çивĕч тупăшура пĕрремĕш вырăн çĕнсе илнĕ.