ХАЛЬХИ вăхăтра этемлĕхшĕн пысăк хăрушлăх пулса тăракан террорла ĕçсемпе çыхăннă инкексенчен асăрханасси, усал вăйсене тĕп тăвасси пирки сахал мар çыраççĕ, калаççĕ, ăнлантараççĕ. Çак кунсенче Патăрьелĕнчи централизациленĕ библиотека системинчи ĕçченсем те вулакансемпе тĕл пулу йĕркеленĕ, "Терроризмпа экстремизм - этемлĕхшĕн хăрушă вăй" темăпа калаçу ирттернĕ, экстремизм сĕмĕллĕ ĕçсемшĕн çынна мĕнле явап тыттарнипе, çакнашкал чрезвычайлă лару-тăрăва лекес пулсан хăйсене, çывăх çыннисене мĕнле хỹтĕлемеллипе, сыхă пулмаллипе тата ыттипе те паллаштарнă.