2021 çулта "Культура" наци проекчĕпе районта Нăрваш Шăхалĕнчи культура çуртне тĕплĕн юсанă. Строительство ĕçĕсем валли 10 млн тенкĕ - федераци бюджетĕнчен 9,9 млн тенкĕ, республикăннинчен - 0,1 млн тенкĕ - уйăрнă. Çавăн пекех иртнĕ çул "Единая Россия" политика партийĕн "Пĕчĕк Тăван çĕршывăн культури" проекчĕпе килĕшỹллĕн Ульяновкăри тата Тăрăнти клубсене пурĕ 4,6 млн тенкĕлĕх çĕнетнĕ. Кăçал икĕ объектра та юсав малалла тăсăлать, çакна валли 4,3 млн тенкĕ пăхса хăварнă.

 Вырăнти культура çурчĕсен пурлăхпа техника базине пуянлатма та района укçа уйăрнă.

 (Хамăр корр.)