ĔЛĔК урамра утса пынă чухне укçа выртнине курсан тытнă та кĕсьене чиксе хунă темелле. Анчах та паян пĕр-пĕр çыннăн çухалнă банк картти алла çаклансан унти пĕр тенкĕ укçипе те усă курма юрамасть. Çапла туни йывăр преступлени шутланать. Уншăн РФ УКăн 158 статйин 3 пайĕн "г" пункчĕпе айăплаççĕ, ирĕкрен хăтарма та, пысăк штраф пама та пултараççĕ.

Хальхи вăхăтра кирек ăçта та çынсем банк карттипе тỹлеççĕ. Ăна мантарса, ỹкерсе хăварасси те пулать. Çавăнпа та тупнă банк картти пирки тỹрех районти полицие пĕлтермелле, унпа нимĕнле магазинта та усă курма юрамасть.