ТУÇАРИ вăтам шкул умĕнчи лапам темиçе çул ĕнтĕ хĕллехи кунсенче юмах тĕнчине çаврăнать. Юртан тата пăртан ăсталанă юмахри кỹлепесем çынсене таçтанах илĕртеççĕ. Сăмах май каласан, хăшĕ-пĕри кунта ятарласа фотосессине те килет... Кăçалхи темăна вара Туçасем Патăрьел районĕ 95 çул тултарнине халалланă. Вячеслав Свинцов педагогика ĕçĕн ветеранĕ ертсе пынипе вĕсем "Паттăр ене - 95 çул" проектпа пăртан пăхаттирĕн пысăк кỹлепине касса кăларнă, тĕрлĕ тĕспе сăрласа сăн кĕртнĕ. Ăстасен ĕçĕпе вăхăт тупса вырăна çитсе паллашсан та ỹкĕнмĕр!