Вируслă инфекци (ОРВИ) чирĕ сарăлнăран медицина учрежденийĕсем хăйсен ĕç вăхăчĕсене улăштарчĕç. Халĕ районти тĕп больницăн инфекци уйрăмĕнче пациентсене тунтикунран пуçласа эрнекунччен йышăннипе пĕрлех шăматкун ирхине 7 сехетрен пуçласа 19 сехетчен, вырсарникун 8 сехетрен пуçласа 13 сехетчен йышăнатпăр.

Коронавирус инфекцийĕ пуррипе çуккине кашниех тĕрĕслеттерме пултарать.

Куллен 4 бригада вырăнсене тухса çỹрет. Вакцинаци пункчĕсем ĕçлеççĕ. Вăхăтлăха диспансеризаци, медицина тĕрĕслевĕ витĕр тухассине чармалла пулчĕ.

Пациентсем хăйсен ыйтăвĕсене 61-8-93 номерпе шăнкăравласа та уçăмлатма пултараççĕ.

 Тепĕр хут çакна аса илтеретпĕр: вакцина яртарни чиртен хỹтĕленме е вăл ерес пулсан та çăмăллăн ирттерме май паратех. Çавăнпа та прививка тутарма тăрăшмаллах. Хăвăрăн тата çывăх çыннăрсен сывлăхне упрăр!

 Н.ТИНЮКОВ, район больницин тĕп врачĕ