ЮХМАПА Пăла тăрăхĕнче февраль уйăхĕнче вунă ватă - Шăнкăртамри Бибирафига Земдиханова, Минибену Кеметова, Айникемель Мати, Тури Туçари Анна Табакова, Пăлакассинчи Василиса Комарова, Нăрваш Шăхалĕнчи Мария Капитонова, Сителти Ксения Кочеткова тата Нина Мамуткина 90 çулхи, Упамсари Анна Степанова 95 çулхи юбилейĕсене паллă тăваççĕ.

Хĕлĕн юлашки кунĕнче, февралĕн 28-мĕшĕнче, Сителте пурăнакан хисеплĕ ватă, ĕçпе вăрçă ветеранĕ Василий Ляков сумлă юбилейне паллă тăвать, 100 çул тултарать. Сăмах май каласан, районта хальхи вăхăтра пĕр ĕмĕр урлă каçнă тăватă ватă пурăнать. Иртнĕ çулхи нарăсра Козловкăри Михаил Наташкина çакнашкал юбилейпе чыслăн саламланăччĕ.