ДЕКАБРĔН пуçламăшĕнче Чăваш Енĕн Вĕрентỹ тата çамрăксен политикин министерстви социаллă тетелте "Çĕнĕ çул саламĕ - чăвашла" акци пуçлани пирки пĕлтернĕччĕ. Интернета çынсем чăвашла саламсене видеосем ỹкерсе лартаççĕ. Халĕ тата вĕсемех "Çĕнĕ çула - чăваш апачĕ" флешмоб пуçарнă. Унта та кирек кам та хутшăнма пултарать. Чи кирли - тăван халăхăмăрăн наци апатне хатĕрлемелле те ăна видеоролик çине куçарса тĕнче тетелĕнчи халăх ушкăнĕсене #ОбразованиеЧувашии, #ВкусноЧувашское, #ВНовыйгодсчувашскимблюдом хештэгсемпе вырнаçтармалла. Апата мĕнле хатĕрленине те пĕлтермелле. Чăвашсен тутлă апат- çимĕçĕ Çĕнĕ çул сĕтелне илем кỹтĕр тесен флешмоба кашниех хастар хутшăнма тăрăшăр. Вăл раштавăн 31-мĕшĕчченех пырать.