РАШТАВ уйăхĕн çуррине çывхаратпăр пулин те хĕл хăйĕн кăралăхне кăтартма васкамасть-ха. Лапка-лапка юр çуса та савăнтармарĕ. Çанталăк пĕр тикĕс сивĕ пулманран кỹлĕсем те çỹхе пăрпа çеç витĕннĕ. Вăл питĕ ултавлă! Çавăнпа та уйрăмах пулăçăсен асăрханмалла. Шел пулин те, кăçал республикăра синкерлĕ тĕслĕхсем пулма та ĕлкĕрнĕ. Иртнĕ уйăхра çеç Йĕпреç, Вăрнар, Çĕмĕрле районĕсенче пулă тытма кайнă виçĕ арçын хăрушсăрлăх йĕркине пăхăнманран шыва кайнă, инкек синкерлĕ вĕçленнĕ. Специалистсем çирĕплетнĕ тăрăх пăр сийĕ 10-12 сантиметр е тата ытларах шăнсан çеç унта кĕме юрать.