Ноябрĕн 16-мĕшĕнче чăваш халăхĕн мухтавлă поэчĕ Çеçпĕл Мишши çуралнăранпа 122 çул çитрĕ. Çавна май Патăрьелĕнчи пĕрремĕш вăтам шкулти 6-8 класĕсенче вĕренекенсемпе çыравçăна халалланă урок иртрĕ.

Мероприятие чăваш чĕлхипе литературине вĕрентекен поэт кун-çулне аса илнипе пуçларĕ. Улттăмĕшсем вуланă сăвăсем урока илем кĕртрĕç.

Ачасем "Çеçпĕл Мишши" презентацие пăхнă май чăваш халăхĕн чаплă поэчĕн пурнăçĕпе тата пултарулăхĕпе тарăнрах паллашрĕç, вилĕмсĕр перо ăсти пулнă вырăнсемпе утса тухрĕç.

Урок пуриншĕн те усăллă пулчĕ.

В.ФЕДОРОВА