ÇАНТАЛĂК ирхинепе каçхине сивĕ тăрать пулин те кỹлĕсенчи пăр сийĕ хулăнланса çитмен-ха. Çавăнпа та пулăçăсем вăлтисене "авăрласа" хунă пулсан та кỹлĕ хĕррине кайма иртерех-ха. Çỹхе те черчен пăр питĕ ултавлă! Вăл 8-10 сантиметр хулăнăш шăнмасăр ун çине кĕме юраманнине асăрхаттараççĕ специалистсем. Хăвăрăн чун киленĕçне синкерлĕхпе вĕçлес мар тесен шыв çинчи хăрушсăрлăх йĕркине пурин те çирĕп пăхăнмалла. Пулă тытмалли хĕллехи тапхăр пуçланман пулин те республикăра (Йĕпреç районĕнче) çын путса вилнĕ тĕслĕхе шута илнĕ.