ХĔЛ илемĕ хăйĕн тыткăнне çеç илмест. Çанталăк сивĕтсе пынă май çул çинчи хăрушлăх та ỹссе пырать. Çакна уйрăмах автомашинăпа çула тухакансен шута илмелле, çул-йĕр правилисене çирĕп пăхăнмалла. Районти ГИБДД уйрăмĕн инспекторĕсем чăн малтанах çул çинчи хăвăртлăх режимне пăхăнни, руль умне ỹсĕрле ларманни инкеке сирнине çирĕплетеççĕ. Хальхи вăхăтра автомобилĕн çуллахи кустăрмисене хĕллехипе улăштарманни те инкек патне илсе тухма пултарать. Нумай пулмасть Патăрьелĕнчен Сăкăта каякан çул çинче çамрăк водитель вилмеллех аманнин сăлтавĕсенчен пĕри шăпах çакă тесе шутлаççĕ инспекторсем.