ĔНЕР, октябрĕн14-мĕшĕнче, православи календарĕпе Пукрав кунĕ (Покров Пресвятой Богородицы) пулчĕ. Вăл чиркỹн аслă праçникĕсенчен пĕри.

Мĕн ĕлĕкех Пукрав мĕнле пулнипе ватăсем чылай сăнавпа пурнăçра усă курнă: çак кун çанталăк мĕнле, хĕлĕпе çавăн майлă тăрать; çил кунĕпе çурçĕр енчен вĕрсен хĕлле сивĕ пулать, кăнтăртан вĕрсен хĕлле ăшă пулать; юр çусан вара пĕр уйăхран хĕл те ларма пултарать тата ытти те. Эсир ĕнер мĕнле çанталăк пулнине сăнама манмарăр-и?

Тепĕр пулăма та асăнса хăварас килет. Çак кун иртсен кил-çуртри мĕн пур шăтăк-çурăка пỹртри ăшă тарасран хупланă, питĕрнĕ. Апла пулсан халĕ уйрăм çынсен те, организаци-предприятисен те хĕл кунĕсене шанчăклă кĕтсе илмелли тапхăр.