ТЕПĔР чухне халăхра "Суя çур пурнăç" тенине те илтме пулать. Анчах вăл пур чухне те чăнлăхпа тỹр килмест. Ваттисем явсан-явсан вĕренĕн вĕçĕ пулать тени те пур. Шăнкăртамри Ямашев урамĕнче пурăнакан çак арçын ку таранччен водитель удостоверенийĕн "В" тата "В1" категорийĕсемпе нимĕн пулман пекех çỹренĕ-ха. Çак кунсенче ăна РФ ШĔМĕн районсем хушшинчи "Батыревский" уйрăмĕн сотрудникĕсем Патăрьелĕнчи Дружба урамĕнче чарса документсене тĕрĕсленĕ хыççăн вăл чăн пулманни сисĕннĕ. Суя удостоверенипе вара инçе çула мар, уя та тухаймăн.