ÇУТ çанталăк кирек хăш тапхăрĕ те хăйĕн илемĕпе тыткăна илет. Кĕркунне ыттисенчен тата уйрăмрах, пуянлăхĕпе те савăнтарать. Хальхи вăхăтра ял çынни çĕр ĕçĕнчен пушанса пычĕ темелле. Çавна май çак кунсенче вăрмансемпе вăрман тăрăхĕсенче кăмпаçăсем те йышланчĕç. Ỹркенменнисем çывăхри вăрмансене те, аякрисене те çитеççĕ, тирек тăрăхĕсенче çĕр мăкăртса тухакан çĕр çимĕçне татаççĕ. Çакна та асăрхаттарса хăварас килет. Ырă киленỹ усалпа ан вĕçлентĕр тесен чăн малтанах вăрмансенче пушар хăрушсăрлăх йĕркине çирĕп пăхăнмалла, кăвайт чĕртме юрамасть. Кунтăка пĕлмен е палламан кăмпасемпе тултарни те теветкеллĕхпех çыхăннă. Вĕсене кирлĕ пек вĕретсе тирпейлĕ пĕçерни те сиенлĕхе сирĕ, сывлăхшăн та хăрушă пулмĕ.