ÇУЛ çинче ачасемпе çыхăннă инкек сахал мар пулнине шута илсе çул-йĕр инспекторĕсем шкулсенче час-часах пулаççĕ. Çак кунсенче те вĕсем Пĕтĕм Раççейри "Хăрушсăрлăх эрни" акцие хутшăнса пĕлỹ çурчĕсене çитнĕ. Çу каçа манăçа пуçланă çул-йĕр правилисене вĕренекенсене тепĕр хут аса илтернипе пĕрлех инкек-синкекрен сыхланасси пирки калаçусем ирттернĕ, викторинăсем йĕркеленĕ, вăйăсем выляттарнă. Кайран пурте пĕрле усăллă канашсен списокне хатĕрленĕ.

Ачасене инкекрен сыхлас тесен аслисен те тĕслĕх кăтартса çул-йĕр хăрушсăрлăх правилисене яланах асра тытмалла тата пăхăнмалла.