КĔР мăнтăрĕ акнă-лартнă культурăна пуçтарса илнипе çеç мар, "чун киленĕçне" тупма май пулнипе те кăмăллă. Çак тапхăр пулăçсемшĕн те, вăрмана кăмпана çỹрекенсемшĕн те "сезон" темелле. Хăвăн кăмăлна тивĕçтерни лайăх, паллах. Анчах икĕ тĕслĕхĕнче те çирĕп йĕрке кирлĕ. Пулăçăсен çыран хĕрринче хăйсене тимлĕ тытмалла, ỹсĕрле шыва кĕрсе каймалла мар. Кăмпа кинемейĕсен вара чăн малтанах пĕлмен вăрманта çухалса кайма пултарнине çамка çине картсах хумалла. Çав вăхăтрах кăмпаçăсен пушар хăрушсăрлăх йĕркине те çирĕп пăхăнмалла, кăвайт таврашĕ чĕртмелле мар!