Лайăх-çке çуллахи каникул вăхăчĕ. Канма та, тăрăшса ĕçлеме те, тĕрлĕ япалапа интересленме те пулать. Шкул ачисем хăйсен вăй-халне конкурссенче тĕрĕслесе пăхаяççĕ. Республикăри вĕрентỹ министерстви "Эткер" центрпа пĕрле онлайн мелĕпе викторина ирттерчĕ. Ăна Альберт Лиханов вырăс писателĕн пурнăçĕпе ĕçĕ-хĕлне халалланă. Унта Патăрьелĕнчи пĕрремĕш вăтам шкулти 6 класра вĕренекен Л.Тазетдинова та хутшăнчĕ.

Онлайн-викторинăна шкулсенчи 5-11 классенче вĕренекенсем явăçнă. Саккăрĕшне çĕнтерỹçĕсен йышне кĕртнĕ. Çав шутра Лилия Тазетдинова та пур. Çĕнтерỹçĕсене дипломсемпе, парнесемпе хавхалантарнă.

Н.ФЕДОРОВА