Ялсене хăтлăх кĕртес тĕллевпе пĕлтĕр "Чăваш Республикинчи ял тăрăхĕсене комплекслă майпа аталантарасси" патшалăх программине йышăннă. Унпа килĕшỹллĕн пурăнмалли çурт, çул тăваççĕ, общество вырăнĕсене хăтлăлатаççĕ, тĕрлĕ социаллă ыйтăва татса параççĕ тата ытти те.

 2021 çулта мĕн пур программăпа килĕшỹллĕн республикăра ялсене çĕнетме 4,9 миллиард тенкĕ е пĕлтĕрхинчен 1,1 хут нумайрах явăçтарма, çав шутрах республикăн ял территорийĕсене комплекслă аталантармалли программине пурнăçлама 830 миллион тенкĕ уйăрма тĕллев лартнă.

Чăваш Енре 700 яхăн çемье çăмăллатнă ял ипотекипе усă курса пурăнмалли условийĕсене хăтлăлатнă.