ХАЛЬХИ вăхăтра МИХ хатĕрĕсенче мошенниксен çĕнĕрен те çĕнĕ "проекчĕсене" вуласа пĕлме пулать. Вĕсем хушшинче электросчетчиксене улăштаракан "специалистсем" те пур иккен. Анчах та тивĕçтерỹ тỹлевсĕр мар, укçалла!

Хисеплĕ вулаканăмăрсем! 2020 çулхи июлĕн 1-мĕшĕнчен потребительтен счетчика туяннă, ăна вырнаçтарнă е улăштарнă чухнехи яваплăха илнĕ. Район администрацийĕн строительство тата обществăлла инфратытăм пай пуçлăхĕн тивĕçĕсене вăхăтлăх пурнăçлакан А. Владимиров хаçат редакцине пĕлтернĕ тăрăх, çак процедурăна ПАО "МРСК Волги" "Чувашэнерго" хăй шутĕнчен тỹлевсĕрех пурнăçлать. Электросчетчикпа çыхăннă ыйтусене 8-(8353) 26-14-00 телефонпа тĕплĕнрех ыйтса пĕлме пулать.