КИРЕК мĕнле çемьере те ача сасси илтĕнсе тăрсан пỹрт тулли туйăнать. Çак илеме нимĕнпе те улăштарма çук. Нумай пулмасть Шăнкăртамри Сабитовсен çемйине вĕçсе килнĕ "çĕнĕ кайăк" та ашшĕпе амăшĕшĕн, тăванĕсемшĕн калама çук пысăк савăнăç. Айсиня - вĕсен иккĕмĕш пепки. Пулас чиперкке районти ЗАГС уйрăмĕн истори страницине те çырăнса юлнă. Вăл кăçал Юхмапа Пăла тăрăхĕнче çут тĕнчене килнĕ 150-мĕш ача.
Пĕлме: çичĕ уйăхра районта 148 ача (иртнĕ çулхи çак вăхăтринчен 23 пепке сахалтарах) çуралнă.
Август 2026 |
