ПĂЛАПУÇ ПАШЬЕЛĔНЧЕ пурăнакан Николай Петровичпа Нина Артемьевна Тельцовсем çемье çавăрнăранпа 60 çул çитет. Панулми Сăпасĕнче (августăн 19-мĕшĕнче) мăшăра çывăх тăванĕсем, район, ял администрацийĕ кевер (бриллиант) туй ячĕпе саламлĕç. Нумай çул пĕрле пурăнакан мăшăр ял-йышра пысăк хисеп çĕнсе илнĕ. Çуратса çитĕнтернĕ пилĕк ачине те аслă çул çине тăратнă, вĕсем ашшĕ-амăшĕ пекех ĕçчен те тỹрĕ кăмăллă. Çемье пуçлăхĕ Николай Петрович районти АПК ветеранĕ, чылай çул хуçалăх ертỹçинче, ытти яваплă ĕçре тăрăшнă. Шурсухал халĕ те ỹркенсе тăмасть, çамрăк ертỹçĕсене сĕнỹ-канашпа та пулăшать.