ÇУ кунĕсем вăй илсех пыраççĕ темелле. Çанталăк шăрăх та типĕ тăни çынсене пăшăрхантарать çеç мар, сывлăха упрама та, инкек-синкекрен асăрханма та ыйтать. Уйрăмах кỹлĕ хĕррине шыва кĕме каякансене тимлĕх пирки тепĕр хут аса илтерес килет. Çине-çинех çак ыйтăва вулакансемпе хускатма сăлтавĕ те пур. Çу пуçланнăранпа çеç республикăра 24 çын шывра путса вилнĕ. Вĕсенчен иккĕшшĕ - ачасем. Мухтав Турра, ку таранччен пирĕн районта кун пек тĕслĕх пулман. Ачасем чỹречерен тухса ỹкнипе çыхăннă пăтăрмах та çук. Инкекпе çыхăннă хăрушлăха сирес тĕлĕшпе малашне те асăрханулăха хавшатмалла мар.