ПАТĂРЬЕЛ районĕн хисеплĕ гражданинĕ (2001 çул) Людмила Сачкова писатель-журналист вулакана çĕнĕ хайлавсемпе савăнтарсах тăрать. Нумай пулмасть кун çути курнă "Сиксе юхать хула çырми" тата "Çиçĕмпе туслашни" кĕнекисене автор чăн малтанах Çĕнĕ Ахпỹрт çыннисемпе тĕл пулса пахаланă. Презентацие Çĕнĕ Ахпỹрт ял тăрăхĕн пуçлăхĕ Станислав Никитин, "Авангард" хаçатăн ветеран-журналисчĕ Валентина Мальцева, Зинаида Лекерова, Феофания Волкова, Валерий Салмин педагогика, сывлăх сыхлавĕн, АПК ветеранĕсем тата ытти хăнасем, çывăх тăванĕсем те хутшăннă, ентешĕмĕре малашнехи творчество ĕçĕнче ăнăçу суннă. Л

юдмила Николаевнăн ку таранччен çичĕ кĕнеки вулакан патне çитнĕ. Унăн пьесисемпе пилĕк спектакль лартнă.