Ялти чи таса та сăваплă вырăнсенчен пĕри вăл масар шутланать. Пиртен уйрăлса кайнă çыннăмăрсен вил тăприсемпе ун таврашĕсене тирпейлесе тăрасси вăл кашни çыннăн тивĕçĕ.    Çакна шута илсе иртнĕ шăматкун Сителте пурăнакансем пĕр шухăшлăн пулса ир-ирех ĕç хатĕрĕсемпе масар çине пуçтарăнчĕç, районти депутатсен Пухăвĕн депутачĕ Юрий Степанов ертсе пынипе хăрнă йывăçсене касрĕç, кивĕ курăка кĕреплепе тураса тасатрĕç. Ял халăхĕ кун йышши субботниксене хапăлласах йышăнать. Хальхинче те сăваплă ĕçе  йышлăн тухрĕç.

И. Лякова.