Патăрьелĕнчен Шупашкара кайнă чухне сылтăм енче автомашинăсене çăвакан здани пур. Ун йĕри-тавра мĕн кăна çук-ши? Юрăхсăра тухнă çăмăл машина кузовĕнчен пуçласа кустăрмасем, хăма татăкĕсемпе кирпĕч- сем таранах. Паян-ыран тасатмасан объект хăй те çỹп-çап купи айне пулмасть-ши?

 Çакăнталла ача-пăча выляма пырса кăвайт чĕртсен пушар тухас хăрушлăх та пысăк. Резина япаласем хăвăрт çуннине кашнийĕ лайăх ăнланать. Инкек-синкекрен асăрханма çăмăлрах, çавна май территорине тасатмаллах. Тирпей-илемĕ те хамăршăн, кун пирки те манас марччĕ.

(Хамăр корр.)