ЮЛАШКИ çулсенче уйрăм хуçалăхран тухакан пушарсемсĕр пуçне вут-çулăм серепинче автомашинăсем те сиен кураççĕ. Районти пушар надзорĕнчен пĕлтернĕ тăрăх, иртнĕ çул çакнашкал тăватă тĕслĕх пулнă. Çак кунсенче çеç Юхмапа Пăла тăрăхĕнче шута илнĕ 11-мĕш пушар та çулпа пыракан техникăна сасартăк вут хыпма пуçланипе çыхăннă. Патăрьелĕнчен Кивĕ Ахпỹрте каякан çăмăл автомашинăпа инкек сиксе тухма пултарнине ун хыçĕнче пыракан водитель асăрханă, ăна сигнал парса чарăнма ыйтнă. Юрать-ха, телее пăтăрмаха вăхăтра сиссе парăнтарнă, районти пушар машинисем киличчен инкеке сирсе янă.