Патăрьелĕнчи пĕрремĕш вăтам шкул спорт залĕнче районти спартакиадăпа килĕшỹллĕн 7-9 классенче вĕренекен арçын ачасем хушшинче волейбол ăмăртăвĕсем иртрĕç. Вĕсене 8 команда хутшăнчĕ. Пĕрремĕш вырăна Патăрьелĕнчи пĕрремĕш (вĕрентекенĕ А.Владимиров), иккĕмĕшне Тутар Сăкăтĕнчи (Ф.Ахметов), виççĕмĕшне Турханти (В.Осипов) вăтам шкулсен спортсменĕсем йышăнчĕç.

«Хĕрсе вылякан» ята Тимур Осипов (Турхан), «Лайăх вылякан» - Данил Айзатуллов (Тутар Сăкăт), «Лайăх хỹтĕлевçĕ» - Ильфат Халитов, «Лайăх тапăнса вылякан» ята А. Альгизов (иккĕшĕ те Патăрьелĕнчи пĕрремĕш вăтам шкултан) тивĕçрĕç. Çĕнтерỹçĕсемпе призерсем ачасемпе çамрăксен спорт шкулĕпе «Паттăр» ФСК администрацийĕн грамотисене илчĕç.

А. ИВАНОВА.