ЮХМАПА Пăла тăрăхĕнче Раççей спорт мастерĕсем хушăнсах пыраççĕ. Февраль уйăхĕнче çеç Раççей спорт министрĕн Олег Матицинăн приказĕпе килĕшỹллĕн Хирти Пикшикре пурăнакан Ильназ Чемерова ирĕклĕ майпа кĕрешес енĕпе «Раççей спорт мастерĕ» ят панăччĕ.

 Çак кунсенче района тепĕр ырă хыпар çитрĕ. Ыхра Çырминче çуралса ỹснĕ (халĕ Мускав çывăхĕнче пурăнать) Руслан Решитович Тазетдинов та спортри çак пысăк звание тивĕçнĕ. Вăл çак хисепе хутăш çар кĕрешĕвĕн енĕпе (смешанное боевое единоборство) çĕнсе илнĕ. Руслан ачаранпах спортпа туслă, шкулта чухнех çивĕч ăмăртусене хутшăннă. Районта пурăнакансем çеç мар, унăн тулашĕнчи ентешсем те хăйсен спортри çитĕнĕвĕпе Юхмапа Пăла тăрăхне пысăк чыс кỹни пурне те савăнтарать.