ИРТНĔ вырсарникун православи тĕн йăли-йĕркине пăхăнса пурăнакансем пĕр эрнене тăсăлнă Çăварни уявне пĕтĕмлетрĕç. Çак ятпа ял тăрăхĕсенче культура ĕçченĕсем, уйрăм хастарсем мероприятисем йĕркелерĕç, шкулсемпе ача сачĕсенче те хаваслă йăла-йĕркепе çыхăннă сюжетсене ỹкерсе Интернет тетелне лартрĕç. Коронавирус чирĕ иртсе пĕтменнине шута илсе ялсенче ĕлĕкхи евĕр хăна-вĕрле пуçтарман пулин те, çынсем хăйсен кăмăл-туйăмне уçмалли майсене тупма тăрăшнă. Ку эрнерен вара Мăнкун умĕнхи аслă типĕ пуçланчĕ. Çак тапхăрта çынсем туйсемпе юбилейсене, ытти хаваслă мероприятисене те ирттерме тăрăшмаççĕ.