ПРАВОСЛАВИ календарĕпе 2021 çулта мартăн 8-мĕшĕнчен Çăварни эрни пуçланать. Кăçал ăна ялсенче ĕлĕкхи евĕр хаваслă та асра юлмалла йĕркелеме, урхамахсемпе çунасене капăрлатса катаччи чупма юр çителĕклĕ. Астăватăр пулĕ, хăш-пĕр çулта вăл çуна шумалăх та юлмастчĕ...

Тепĕр икĕ эрнерен вара православи тĕн йăли-йĕр- кине тытса пыракансемшĕн Мăнкун умĕнхи аслă типĕ пуçланать. Турра ĕненекенсем, чиркĕве çỹрекенсем çичĕ эрне хăйсен çылăхĕсемшĕн ỹкĕнсе типĕ тытаççĕ, сыпаççĕ, кĕлĕсем вулаççĕ. Çак тапхăртах кил-çурта тасатса тирпейлеççĕ, праçник каçхине кулич пĕçереççĕ, çăмарта хĕретеççĕ. Майăн 2-мĕшĕнче - Аслă Мăнкун.

 12 тĕп уяв шутне кĕрекен Çветтуй Троица праçникне кăçал июнĕн 20-мĕшĕнче паллă тăвăпăр. Вăл Иисус Христос чĕрĕлсе тăнă хыççăн 50-мĕш кунне пулать.