ÇУТ ÇАНТАЛĂКĂН кирек мĕнле тапхăрĕ те кăмăла уçма та, ăна хуçма та пултарать. Çакă ытларах хамăртан килет. Хĕл Мучи парнелекен шартлама кунсене лайăх та пăтăрмахсăр ирттерсе ярасси кашни организаци-предприятин, учрежденин тĕп тĕллевĕ пулмалла. Çавăнпа та çуртсене, культура, социаллă хỹтлĕх ыйтăвĕпе тимлекен учрежденисене, шкулсемпе ача сачĕсене тата ыттисене ăшăпа тивĕçтерекен котельнăйсенче тăтăшах çирĕп йĕрке кирлĕ. Раштав тата Кăшарни сиввисем никам умне те ку тĕлĕшпе йывăрлăх тата инкек кăларса ан тăратчăр.