Улма-çырли йывăç-тĕмне курăк пыйти тапăнсан малтан садри кăткăран хăпмалла. Вăл пулăшнипе сăтăрçă ĕрчет. Кăткă хурт-кăпшанкă сĕткенĕпе тăранать.

Курăк пыйти йывăç-тĕм папкин, çулçин, çамрăк хунавĕн сĕткенне йăлтах ĕмсе илет. Çавна май сăтăрçă пылак кăларать.

Кăткă унпа тăранать. Курăк пыйти валли çимелли пĕтсен ăна вăл сывă ỹсен-тăран çине куçма пулăшать, сыхлать. Хĕл каçма ăна йăвине пĕрле илет. Çуркунне вара ỹсен-тăран çине куçарать, ĕрчетет, хăйне валли пылак çимĕç хатĕрлет. Кăткă тĕммине чавса кăлармалла. Садран аяккарах вырăна куçармалла. Çуркунне вара хими препарачĕсемпе садри йывăç-тĕме сирпĕтмелле.

Йăрана кăткă тапăнсан авăртнă хура е хĕрлĕ пăрăç сапмалла. рет хушшине, сукмака типĕ горчица сапсан та аван. Кун пек тусан тухăçа кăткăран, шăширен, хурт-кăпшанкăран упрама пулать.