ХАЛЬХИ вăхăтра коронавирус чирĕ сарăласран хỹтĕленмелли йĕрке малалла тăсăлать-ха. Вăл шутра маска режимĕ те. Çынсем йышлă çỹрекен вырăнта, магазинсенче, автотранспортра ăна хывмалла мар. Чылайăшĕ çапла тăваççĕ те. Анчах та хăшĕ-пĕри çак йĕркене ячĕшĕн çеç пăхăнни сисĕнет. Çăварĕпе сăмсине хуплас тĕлĕшпе хăлхинчен уртса янă пĕр хутчен усă курмалли маска хуралса кайнă, шăтса та пĕтнĕ. Апла пулин те вăл ăна йăтса çỹрет. Ячĕшĕн çакса янăскер усал вирусран хỹтĕленме пулăшĕ-ши? Çакă хамăра-хамăр улталани çеç мар-ши?