ВАТĂСЕМ сăнанă тăрăх, çу Çимĕкрен вăй илет, вă- йă-кулă, савăнăç вăхăчĕ пуçланать теççĕ. Иртнĕ вырсарникун православи тĕнне ĕненекенсем коронавирус чирĕ малалла сарăласран асăрханса уява килсенче, çемьесенче паллă турĕç. Халăхра Çимĕке çитмĕл те çичĕ курăк, çитмĕл те çичĕ çулçă, çитмĕл те çичĕ тымар уявĕ те теççĕ. Çак вăхăрта хатĕрленĕ курăксем имлĕ-симлĕ, усăллă пулнине те калаççĕ. Çавăнпа та халăх медицинипе усă куракансем вĕсене шăпах çак кунсенче пуçтараççĕ. Çимĕк иртнĕ хыççăнах çынсем милĕк хатĕрлеме пуçлаççĕ. Ун чухне хурăн, юман çулçисем шăпах çирĕпленсе çитеççĕ-мĕн.