2020 çулта Раççей Ял хуçалăх министерстви аграрисене мелиораци ĕçĕ-хĕлне аталантарма 8,5 млрд тенкĕ уйăрма палăртнă е иртнĕ çулхинчен 10,4 процент пысăкрах.

Пĕлтĕр "Раççейри мелиораци комплексне аталантарасси" ведомство программипе 5,7 млрд тенкĕ тăкакланă. "АПК продукцийĕн экспорчĕ" проектпа çак отрасле 2 млрд тенкĕ хывнă. Кăçал ял хуçалăх пĕлтерĕшлĕ çĕрсенче мелиораци ĕç-хĕлне ирттерме РФ субъекчĕсене 6,2 млрд тенкĕ куçарса парĕç.

РФ ял хуçалăх министрĕн заместителĕ Ольга Гатагова палăртнă тăрăх, культурăсене шăварни, тăпра пулăхлăхне пуянлатни продукци тухăçлăхне хăпартма, çĕршывра апат-çимĕç хăрушсăрлăхне тивĕçтерме пулăшĕ.