АСЛĂ Çĕнтерỹ 75 çул тултарнине халалланă "Кунта паттăр пурăнать" акци иртнĕ çулах старт илчĕ. Паян пирĕнпе юнашар пурăнакан Тăван çĕршывăн Аслă вăрçин ветеранĕсене чыс та хисеп туса йĕркеленĕ гражданла-патриотла юхăма пирĕн районти ял тăрăхĕсем (Туçа ял тăрăхĕсĕр пуçне) пурте хутшăнчĕç, вăрçă паттăрĕсен çурчĕсем çине унта вăрçă ветеранĕ пурăннине палăртакан Асăну хăмисене вырнаçтарчĕç. Сăмах май каласан, Юхмапа Пăла тăрăхĕнче 17 вăрçă ветеранĕ пурăнать. Çавăнпа та вĕсене кашни кунах пысăк тимлĕх уйăрасси, ветерансен умĕнче пуç таясси - пирĕн тивĕç.