КĂÇАЛХИ хĕлле юрпа савăнтармарĕ пулин те вăрманта вăл аванах ларнă курăнать. Мĕншĕн тетĕр-и? Кăмпаçăсем çирĕплетнĕ тăрăх кăçал кăтра кăмпа нихçанхинчен те нумай çĕр мăкăртса тухнă-мĕн. Анчах çакна та асăрхаттарса хăвармалла. Юр кайсанах тухакан кăтра кăмпа кăмăла ан хуçтăр, инкек ан кăтарттăр тесен, вăрман çимĕçне кирлĕ пек тасатнă, темиçе хутчен лайăх вĕретнĕ хыççăн çеç усă курмалла. Ăна ача-пăчана çитерме юраманни пирки те манса каймалла мар. Хальхи вăхăтра пурне те пăшăрхантаракан коронавирус чирĕ малалла сарăласран вара кăмпана каякансен те мĕн пур хăрушсăрлăх йĕркине çирĕп пăхăнмалла.