КĂÇАЛХИ хĕл кунĕсем пирĕншĕн кĕтменлĕх çеç мар, чир-чĕр сарăлмалли лайăх услови те пулса тăчĕç. Роспотребнадзор кăтартăвĕсенчен республикăра ОРВИпе тата гриппа чирлекенсен йышĕ иртнĕ çулхипе танлаштарсан икĕ хута яхăн ỹсни курăнать. Ку тĕлĕшпе пирĕн районта та лару-тăру пĕлтĕрхинчен япăхрах. Чирлекенсен ушкăнĕнче ытларах ачасем. Çавăнпа та усал вируса парăнтарас тесен чăн малтан çын нумай пулакан вырăнсенче çỹреме тăрăшмалла мар, медицина маски тăхăнмалла, пỹлĕме тăтăшах уçăлтармалла, уçăлса çỹремелле, апатлану тата кану йĕркине пăхăнмалла тата ытти те. Çав вăхăтрах сĕтел çинче тăтăшах лимон, ыхра, сухан пулни те пĕлтерĕшлĕ. Вĕсем шăпах микробăн тăшманĕсем шутланаççĕ.