КĂШАРНИРЕ Хĕл Мучи пит-куçа хыпашлаканччĕ. Кăçал вара çуркуннехи çанталăк хуçаланать урамра. Иртнĕ эрнере шăпăртатса çумăр та çуса тĕлĕнтерчĕ. Çынсен ирĕксĕрех шкапĕсене тирпейлесе хунă сунчăкĕсене туртса кăларма тиврĕ. Çанталăкăн начар кунĕсем çук тетпĕр пулин те, çулталăкăн кашни вăхăчĕ хăй вырăнĕнче... Сăрт айккинчен çунашкапа ярăнни е йĕлтĕр сырса вăрмана кайса килни мĕне тăрать! Пĕлтĕр ку вăхăтра Треньелĕнчи çыран хĕрринчи сăртран ачасем çеç мар, аслисем те ватрушкасемпе черет тăрсах ярăнса савăнатчĕç.