РЕСПУБЛИКĂРА 1966 çултанпа Çеçпĕл Мишши премийĕн лауреачĕсене палăртаççĕ. Çеçпĕл Мишши музейĕн ертỹçи А. Андреева Фейсбукра пĕлтернĕ тăрăх, кăçалхи лауреатсем те паллă. Вĕсен хушшинче Пăлапуç Пашьелĕнче кун çути курнă Александр Тукмаков та пур. Ентеш СССР летчик-космонавтăн А. Николаевăн Сĕнтĕрвăрри районĕнчи Шуршăлти мемориал комплексĕн ертỹçи. Вăл хисепе мемориал комплексне аталантарассишĕн пысăк тỹпе хывнăшăн тивĕçнĕ. Сăмах май, 2016 çулта çак сумлă чыса Кивĕ Катекре çуралса ỹснĕ Олег Цыпленков илнĕччĕ.