ПАТĂРЬЕЛĔНЧИ Мăшăрлану керменĕшĕн 2025 çулхи Çĕнĕ çулăн пĕрремĕш уйăхĕ ырă пулăмпа çырăнса юлчĕ. Кăçалхи январьте пирĕн тăрăхра çуралнă 20 ачана регистрацилесе свидетельствăсем панă. Вĕсенчен ытларахăшĕ арçын ачасем. Тăван çĕршывăн хỹтĕлевçисен çулталăкĕнче пулас паттăрсем нумайтарах çурални пушшех савăнтарать. Акă, Çемье çулталăкĕнче çемье çавăрнă Тури Туçари Александрпа Ольга Мулюковсемшĕн Тăван çĕршыв хỹтĕлевçин çулталăкĕ те яланлăхах асра юлĕ. Иртнĕ эрнере Патăрьел муниципалитет округĕн пуçлăхĕн социаллă ыйтăвĕсемпе тимлекен çумĕ Светлана Чернова çамрăк мăшăра йĕкĕреш ывăл çуралнă ятпа саламланă. Ашшĕпе амăшĕ чун тĕпренчĕкĕсене Матвей тата Макар ятсем çыртарнă.