Кукаçи Çар службине

Ирттернĕ Байконурта,

Чăн-чăн космос карапне

Курнă шăпах çавăнта.

Юлташĕсемпе пĕрле

Космодрома сыхланă.

Хăть кăнтăрла, хăть çĕрле

Тăшман пыма хăранă.

Пурнăçласан тивĕçне

Таврăннă тăван ялне.

Халĕвăл калать çапла:

«Ялан сыхă пулмалла!».

Пĕр-пĕрне уявсемпе

Саламлаççĕ халĕте,

Мухтанап кукаçипе,

Ан чирле эс пĕрре те.

Хĕвел çиçтĕр тÿпере,

Пурнăç та килет пĕрре,

Кукаçи пулсан çумра —

Ыр туйăм çеç ман чунра.

Диана ДМИТРИЕВА, 8 класс,

Çĕньял ялĕ.

Редакцирен: авторăн кукашшĕ Халал Толи — (Анатолий Дмитриев) сăвăç — «Авангард» хаçатăн çывăх тусĕ.