Ку мероприятие кашни çулах  сентябрĕн 17-мĕшĕнче паллă тăвакан  Пациентсен хăрушсăрлăхĕн пĕтĕм тĕнчери кунне халалланă.

Эрнен тĕп тĕллевĕ _ медицина пулăшăвĕ панă чухне сиен кÿрес хăрушлăха  чакарасси питĕ пĕлтерĕшлине аса илтересси. Статистика тăрăх, çакăн пек лару-тăрусенчен çурри ытларах  эмелсене тĕрĕс мар усă курнипе çыхăннă. 

Хăвăра хÿтĕлеме тата сипленнĕ чухне хăрушлăха чакарма çаксене  яланах  асра тытмалла:

l çырса панă эмелсен ячĕсене тата вĕсен виçисене яланах тĕрĕслĕр,  уйрăмах  сире сиплекен тухтăр улшăннă пулсан;

l темиçе эмел çырса панă пулсан, вĕсен пĕр-пĕринпе килĕшсе тăрасси пирки тухтăртан ыйтса пĕлĕр;

l диагноз тĕрĕс пулнине иккĕленетĕр пулсан тепĕр специалист патне кайăр, «иккĕмĕш шухăш» ыйтăр;

l операци е процедура умĕн вĕсен тĕллевĕ тата мĕнле иртесси пирки тĕплĕн ыйтса пĕлĕр;

l ăнланма йывăр терминсене, сиплев меслечĕсене тата малашлăх прогнозне тухтăртан уçăмлатма ыйтăр;

l анализ илнĕ чухне лаборант стериллĕх йĕркисене пăхăннине (перчатка улăштарни, стериллĕ упаковкăна сирĕн умра уçни) тĕрĕслеме хăрамалла мар;

l хăвăрăн тÿлевсĕр медицина пулăшăвĕ илмелли правасене тата сипленме килĕшмен чухнехи условисене пĕлмелле;

l енчен те ыйтусем сиксе тухсан, страхлакан компание е Росздравнадзора çырса йытса пĕлме пултаратăр.

Республикăри общество сывлăхĕн, профилактика медицинин, сиплев физкультурипе спорт медицинин центрĕ