Шупашкарта фитнес-аэробикăпа республикăра мала тухассишĕн чемпионат иртнĕ. Илĕртỹллĕ те анлă мероприяти 150 командăри 800 çамрăк спортсмена пĕрлештернĕ. Фитнес-аэробика ушкăнпа тупăшмалли спорт тĕсĕ. Вăл çулран-çул çамрăксене ытларах та ытларах явăçтарать.

 "Паттăр" спорт шкулĕн 35 воспитанникĕ чемпионата хутшăнса кашни тĕрлĕ медале тивĕçнĕ. Вĕсем 5 командăра - "Блестки", "Лидер", "Грация", "Огонек", "Дети Батыра" - ăмăртнă. Степ аэробикăра 14-16 çулсенчи "Дети Батыра" команда пĕрремĕш, 11-13 çулсенчи "Грация" ушкăн иккĕмĕш, "Огонек" командăпа 8-10 çулсенчи "Лидер" виççĕмĕш вырăнсене йышăннă.

Ăмăртусем çỹллĕ шайра иртнĕ. Татьяна Торговцева тренерăн тăрăшуллă ĕçĕ куç умĕнче. Ахальтен мар ăна Чăваш Республикин Патшалăх Канашĕн Председателĕн Тав çырăвĕпе чысланă.