ÇУТ ÇАНТАЛĂК кирек хăш вăхăтра та хăйĕн илемĕпе тыткăнлать. Хальхи вăхăтра урамра кăпăшка мамăк пек сарăлса выртакан шурă юр сивĕ пулсан та чунра ăшă туйăм вăратать... Кăшарни уявĕчченхи çил-тăман вĕçтернĕрен çуртсемпе ытти хуралтăсен тăррисенче те юр тем хулăнăшах выртрĕ. Урамра сарă хĕвел савса пăхма пикенсенех вĕсем катрамăн-катрамăн шуса анма, лап! ỹкме пуçлаççĕ. Çавăнпа та çак сăлтавпа инкек-синкек сиксе ан тухтăр тесен район центрĕнчи патшалăх çурчĕсене пăхса тăракансен, уйрăм çуртсенче пурăнакансен те хăрушлăха сирмелли мерăсене вăхăтра пурнăçлани пĕлтерĕшлĕ.