Августăн 8-мĕшĕ тĕлне муниципалитетра пĕрчĕллĕ тата пăрçа йышши культурăсене 5790 гектар çапса тĕшĕленĕ: тулă - 2200, урпа - 2120, сĕлĕ - 480, пăрçа - 990 гектар.

Йĕтемме 17469 тонна тырă кĕнĕ. Тыр-пулăн вăтам тухăçĕ пĕр гектартан 30,2 центнерпа танлашать.

Уй-хиртен пĕрчĕллĕ тата пăрçа йышши культурăсене пухса кĕртме 13 комбайн хутшăнать.

Муниципалитетра севок пухса кĕртес ĕç те хĕрỹ пырать. Вăрлăх суханăн 25 гектарĕ пушаннă, тухăç пĕр гектартан вăтамран180 центнер тухать.

Кĕрхи культурăсене акма çĕр 1850 гектар хатĕрленĕ, кĕрхи çĕртме 2230 гектарта тунă.